سوانح حیات

الحمد للہ رب العالمین

سیدمحمد شہروز حسین زیدی نے محبتِ اہلبیت ؑ سے سیراب اور بہار ِایمان کے عروج کے صدقے سر سبزو شاداب درختوں کے سائے میں ۶ نومبر ۱۹۹۷ کو کراچی میں اپنی زندگی کے سفر کا آغاز کیا اور ایسی ہوا میں نشوونما پائی کہ جس کا ہر جزء دین ، مذہب اور انسانیت کی خدمت کے پاکیزہ جذبوں سے معطر تھا ۔ اِن کے والد اور والدہ دونوں ہی اپنے بیٹے کو صحیح اسلامی تربیت کے ساتھ آراستہ و پیراستہ کرنے ،اسلامی تمدن سے مزین کرنے اور اس کی عقل کی زرخیزکھیتی میں معارف الٰہی اور علوم ِ دین کی کاشت میں ہمہ وقت کوشاں رہتے ۔

شہروز زیدی نے رزق ِ علم کے حصول کی ابتداء اپنے گھر سے ہی کی اور غلامان عباس اسکول، کراچی میں ابتدائی تعلیم حاصل کرنے کے لئے داخل ہوئے اور وہیں سے۲۰۱۴ میں اچھے نمبروں سے میٹرک(سائنس) پاس کیا، اور پھر انٹر میڈیٹ کے لئے این سی آر کالج میں داخلہ لیا اورسن ۲۰۱۶میں انٹر(سائنس)  پاس کیا۔  
سن ۲۰۱۶ کے آواخر میں  جامعہ کراچی سے فلسفہ میں بیچلرز کے لئے داخلہ لیا اور ساتھ ہی جامعہ المصطفیٰ کراچی میں  داخلہ لیا اور فارسی، عربی گرائمر ،صرف ،نحو ، منطق،تاریخ، علم کلام، فلسفہ  وغیرہ کی ابتدائی تعلیم استادحجۃ الاسلام ڈاکٹر مہدی مقدسی ،  استادحجۃ الاسلام ڈاکٹرفدا حسین عابدی، استادحجۃ الاسلام ڈاکٹر نسیم حیدر  زیدی، استادحجۃ الاسلام صادق تقوی، استادحجۃ الاسلام میر عباس الحسینی، استادحجۃ الاسلام ڈاکٹر علی حسن شگری،  استادحجۃ الاسلام خواجہ رضا،  استادحجۃ الاسلام نجم الحسن حیدری،  استادحجۃ الاسلام ڈاکٹر ناصر حافظی، استادحجۃ الاسلام ذوالفقار علی شہانی صاحب و دیگر بزرگ علما ء کرام سے حاصل کی۔
۴ دسمبر سن۲۰۲۰ میں ادبی ، نیک و سید گھرانے  کی مومنہ جو کہ  شہروز زیدی کی خالہ زاد  بھی تھیں؛ سے شادی ہوئی۔ اور شادی کے مکمل ایک سال بعد۴ دسمبر ۲۰۲۱ میں  کراچی سے قم القدس، ایران  کی طرف اپنی زوجہ کے ہمراہ ہجرت کی   اور وہاں کے علمی مرکز میں حوزہ علمیہ کے مایہ ناز اساتید سے علمی فیض حاصل کرنے لگے۔
اور مندرجہ ذیل کتب ان اساتید سے پڑھیں:
علم کلام ؛   کتاب محاضرات فی الالهیات؛ استاد حجۃ الاسلام ڈاکٹر محمد علی نیازی سے،
علم اصول ؛  اصول آیت اللہ باقر الصدر؛ استاد لواسانی سے
فقہ استدلالی؛ کتاب طہارت ،  کتاب صلاۃ، کتاب صوم، کتاب زکوٰۃ و کتاب خمس(آیت اللہ باقر ایروانی)؛  استاد محمود رضا محصل  ھمدانی سے
                 کتاب حج، کتاب جہاد، کتاب امر و نہی و معاملات؛ استاد  سید مھدی موسوی سے
تفسیرالقرآن؛ استاد وحید نجف زادہ سے

مقدمات مکمل کرنے کے بعد فلسفہ و عرفان اسلامی کے رشتے کو تخصص کے لئے اختیار کیا   اور پھر مندرجہ ذیل کتب ان اساتید سے پڑھیں۔
کلیات فلسفہ (دکتر علی شیروانی)؛ استاد میرازایی جاھد سے
عرفان و تصوف؛ استاد میرزایی جاھد سے
آموزش فلسفہ (آیت اللہ مصباح یزدی)؛ استاد ڈاکٹر غفاری قرہ باغی سے
منطق تکمیلی؛ استاد نجم الھدی سے
معرفت شناسی، حکمت متعالیہ، حکمت اشراق و مشا وغیرہ ؛ استاد شھریار سلیمانی سے

سید شہروز زیدی  ابتدا ء تعلیم کے ساتھ ساتھ تحقیق، تبلیغ، فعالیت فرھنگی، تدوین میں بھی مشغول رہے اور اب تک ان کی ۴ کتب چھپ چکی ہیں:
۱۔ خار دل یزداں
۲۔ خیر البریہ
۳۔ صلاۃ کیا ہے؟
۴۔  زکوٰۃ کے احکام
اسکے علاوہ کئی تحقیقی مقالاجات بھی موجود ہیں ۔
سید شہروز زیدی عالم دین  ہونے کے ساتھ ساتھ  طب سنتی و حجامہ، مشاور خانوادہ، نکاح رجسڑار، تحقیق  و تدوین، شاعری و خطابت میں بھی مہارت رکھتے ہیں۔
دسمبر سن ۲۰۲۳ میں سید شہروز زیدی کو آیت اللہ العظمیٰ مہدی احدی دام ظلہ العالی، آیت اللہ العظمیٰ شیخ شمس الدین واعظی  دام ظلہ العالی ، آیت اللہ العظمیٰ سید علی سیستانی ، آیت اللہ العظمیٰ کمیلی خراسانی نے باب طلاق میں وکالت امور حسبیہ  عطا کی۔ اس وکالت سے مراد ؛ وہ  موادر کہ ( جب شوہر نہ ہی حسن معاشرت انجام دے رہا ہو نہ ہی طلاق دے رہا ہو) جن میں عورت کو اختیار ہوتا ہے کہ حاکم شرع سے رجوع کرکے طلاق/خلع کی درخواست کرے اور وکالت امور حسبیہ رکھنے والے فرد کو اختیار ہوتا ہے کہ  معاملے کی تحقیق کے بعد (اگر شوہر حسن معاشرت پر راضی نہ ہواور طلاق بھی نہ دے) شوہر کی اجازت کے بغیر طلاق جاری کردے۔
۲۳ دسمبر ۲۰۲۳ کو آیت اللہ العظمیٰ الشیخ محمد رحمتی سیرجانی  دام ظلہ العالی  نے اور 
۳۰ دسمبر ۲۰۲۳ کو مرجع عالیقدر حضرت  آیت اللہ العظمیٰ ناصر مکارم شیرازی دام ظلہ العالی اور 
۰۸ اپریل ۲۰۲۴ کو آیت اللہ العظمیٰ محمد علی گرامی دام ظلہ العالی نے اور 
۱۲ جنوری ۲۰۲۵ کو آیت اللہ العظمیٰ محسن فقیہی دام ظلہ العالی نے سید شہروز زیدی کو اپنا وکیل امور حسبیہ مقرر کیا اور ساتھ ہی اجازہ نقل حدیث بھی عطا کیا۔

سید شہروز زیدی کی خواہش ہے کہ  خاص طور پر پاکستان میں مومنین کے لئے دینی اور جدیددنیاوی تعلیم کے لئے اعلیٰ اداروں کو قائم کریں تاکہ مومنین ان اداروں میں مفت اعلیٰ تعلیم حاصل کر کے قوم وملت سے جہالت اور غربت کی لعنت کو ختم کر سکیں۔

خدا  ، حجۃ الاسلام والمسلمین  مولانا سید شہروز زیدی کی زندگی دراز کرے اور ان کی تمام خواہشات کوپورا کرے اورہمیں ان سے زیادہ سے زیادہ استفادہ کرنے کی توفیق عطا فرمایا ۔ (آمین)

سوشل میڈیا ٹیم